December 14, 2022
U Symbood Montri Rangbah ka jylla, u Prestone Tynsong da kyntait biang u wow yañia wa u Saket Gokhale uwa man uwa e ktien ka All India Trinamool Congress (AITC).
Da ong u wa yieñ u ha ka jooh ka yurim wa ympu em por wow yañia wa u bru u wym emkaam, wei ym pu tip hadooh katwon i sñiawkhia u ya ka jylla Meghalaya.
Neiliang u Gokhale uwa da wan cha Shillong ynnin ka sngi, da kob biang u ya u Symbood Montri Rangbah wow yañia deiwa ong leh wa daw daisarom u ya u mentooh, wei lada ha i yañia ka sorkar rem ko, toh u hiar chuki noh u Prestone chwa ka Election wei lada jop ka sorkar ye wow ujor ha ka aiñ pyrchah ya oo katwa yoo biang.
Hawa kylli hajrong i klam u heh ka AITC, neiliang u heh ka sorkar Meghalaya Democratic Alliance (MDA) da ong u wa waroh tip uni uwa neiwon katwa klam won u lakam uwa chong chnong ka Meghalaya. Da ong u wa ympu jooh yoo ya kam uni u National Spokesperson, wei da pynrap u wa hawa pynbaad emkaam ya ki kot ki sla kam ki sabut.
