Jowai : Ka Ri-loom Jaiñtia man ko kam kawi na ki thaw wada kyrkhu ka Bei Rymaw neibhah man ko ka thaw kawa em ki krem ki kchaaid kiwa pynchohbiej ya ki paidbah.
Boon kiwa lai luti ha u Sarokbah NH 44 jooh yoo ki yaka Signboard wa thoh Tyrshi Falls kawa jngai du kamwa 1.04 Km na uni u sarokbah tangwa ymjooh boon kiwa khlad cheini.
Yow poi cha kani ka kchaaid emkaam u lai kjat næ emkaam u lai ha u sarok khyndaw wei daw poi ha ka luti laikjat wada chna da ka tnat DRDA heiyakrehlang waka Soil & Water Conservation wa ka Office u BDO ha u snem 2006.
Ha ini i thaw lai kjat da em leh ki rna wow poi chatre kani ka kchaaid wei kamjooh leh da em i luti laikjat pyn nakhlieh kani ka kchaaid. Heijooh i por nakhlieh yong ka ye leh u chynna ya ka bynta ka Pynthor Neiñ ka wah Myntdu.
Kani ka kchaaid man ko kawa em 4-5 kyrdan wei ka thaw kawa yoosuk kawa ye u pynwyrngia ya kiwa laike cheini weiwa ha ki por lyuir man ko ka thaw kawa yoosuk bha neibhah dang khlan ka um wa haap ha kani ka kchaaid. Yoosuk u peit leh wa ki soodong kani ka kchaaid man ki kiwa khooid.
Iwi iwa ktah wow sakhi won toh wa ha kani ka luti laikjat chatre ka kchaaid da em ki bynta kiwa kær da ki naar kiwa da wiar kiwa da piah.
Heiyaklam wa uwi bru na ka chnong Khliehtyrchi, u ma K. Sana da ong u wa em du 2-3 ngut hieh kiwa poi cha ini i thaw hapoh ka chi tayaw weiwa dang duna i wan ki katdang mih ki sngi.
Discussion about this post