15 49.0138 8.38624 1 0 4000 1 https://wyrta.com 300 0

Wiar ka khynnah wa 15 snem kawa na Khliehriat

0 Comments
Advertisement ad1

Jowai: Ka wi ka khynnah kynthai wa dang 15 snem na Khliehriat da wiar ko nadooh ka 15 tarik uni u bnai heipor 1:30 waje i sngi.

Katkam wa pyntip kiwa ha yung ha sem kani ka khynnah toh kawa pyrtuid Reena Sherchan wei ha ka tai ka sngi da lai lang ko wow pa ko u Dhan Bahadur Sherchan cha Lad Rymbai yow lai thied jhoor wei manda liwan ki da hiar ki ha Moowakhu iwa man leh i thaw wa kreh u pa kani ka khynnah wei da psiah ki hapoh kawi ka dukan cha wei da phah yang u pa ko ka hapoh dukan wa lai emkaam u.

U pa kani ka khynnah hadien du kattu katni por da wan biang u chapoh ini i dukan wei da chem u wa da wiar ka khon u.

Uwi u bru wa tipmit ya kani ka khynnah uwa emlang hapoh dukan ong u wa mih ko na dukan yow lai mihlait wei da ieh ko ya ka phone u pa ko hapoh dukan.

Hadien wa katwa yang leh ym em de poi ko, kiwa ha yung ha sem da pyntip ki cha ki pulit wei ha ka phone u pa kani ka khynnah em iwi i Miss Call wa poi heipor wa em ka Reena hapoh dukan cha wei manda phone ki pulit ya ini i number ym em wa jubab ha ka sngi wa nyngkong wei hadien da tympleh noh ya i number.

Kiwa ha yung ha sem da kyrpaad ki wa lada em kiwa yoo namo wa tip cheiwon em ka Renna yow pyntip ki cha ki pulit wei ye ki leh u phone ha kiwa ha yung ha u number 8787638712.

Advertisement ad1

0 Comments

Leave a Reply