Wiar ka Pooja Khedkar kawa chah takit wa pynemkaam bakla ko ya ki kyndon yow yoh u man IAS 

Ka sahep IAS wa dang chah hikai (Trainee), ka Pooja Khedkar ya kawa khut sin leh kam ka Audi Wali Madam da wiar ko kattu la kamwa san sngi. 

Ka Pooja ym em leh lai mih ko cha Lal Bahadur Shastri National Academy of Administration (LBSNAA) itæ ha ka 23 tarik uni u bnai kamwa da phah yow e jubab ko hajrong iwa chah pynbaad ko heiwa ki pulit ka Pune da yaleh ki wow thooh ya ka tangwa ym em wa tip cheiwon em ko wei ka Phone ko leh toh deiwa tympleh.

Ka Khedkar kawa man ka IAS Trainee na Maharashtra da chah pynbaad wa pynemkaam bakla ko yei kyrdan ko wei thok ko hei duna i doh i pran ko wei da thok ko leh wa wan ko na ka jaitbru OBC (Non-Creamy Layer). 

Heiyatoh wa ini waroh ka Union Public Service Commission (UPSC) da ujor FIR ko pyrchah ya ka Khedkar wei da pyndam yei wow chah hikai ko ha LBSNAA wei ye ko leh u chah khang wow yakhun ya kiwon kiwon ki Civil Service Exam.

Related posts

Iñkhaw ka Bolero Pickup ka Shree Cement neiwa chah kawang Petrol Bomb ha ki bru wa kah durkhmat ha EJH

August 25, 2026

Daw pynman ya ka e sikai pynriam pynchna syntu wa i chna kpieñ neibynta waroh

August 25, 2026

Da ujor FIR leh pyrchah ya ka Khedkar ha kiwa boon ki kyndon aiñ khamtam ka IT Act, The Rights of Persons with Disabilities Act, 2016 wa kiwi kiwi.

Kam wow pynkynmoo wa ka bei ko leh da chah kem ko hadien wa sai Pistol ko yow maham ya uwi u bru heiyatoh wa i kaam kajia thaw wei u pa ko leh da chah takit u heiyatoh wa ka spah ka phaw u.