Ki soo ngut ki MLA ka Voice of the People Party (VPP) da wiar lut ki heipor wa ka yung dorbar da klam e khublei ko ya u Deputy Speaker wa thymme, u Limison D Sangma ynne ka sngi Thohdieñ.
Da yoo wa ki thaw chong ki MLA ka VPP kiwa em ha ka Liang Pyrchah da man ki kiwa thylli neibhah wym em tang uwi leh u MLA uwa em ha itai i por.
Chwa ini, neiliang ki MLA ka VPP wa kynthup ya u MLA ka Nongkrem, u Ardent Miller Basaiawmoit, u MLA ka Mawlai, u Brightstarwell Marbaniang, u MLA ka Mawryngkneng, u Heavingstone Kharpran wa u MLA ka North Shillong, u Adelbert Nongrum da chimbynta chit rhem bha ha ka yatai.
Heini i por wa e khublei ya u Deputy Speaker, ki MLA ka TMC kiwa em ha ka liang pyrchah da ya emlang ki.
Ini i wiar ki MLA ka VPP da pynphylla ko leh ya ki para MLA wei ym tip neiyi i daw wa da leh ki kamni.
Discussion about this post