Ha ka 6 tarik uni u bnai, ka FKJGP War Jaiñtia Circle hapoh i yahkhmat u President, u Shlur Mukhim hadien wa ood ki paidbah ka thaaiñ War Jaiñtia wa wiar syndet ka Indira Gandhi National Open University (IGNOU) Study Centre na chnong Sohkha Mission, WJH da lai booddien ki ya ini i kaam deiwa yachem wa ki bor chnong wow tip ya i daw wa wiar ko nadooh u snem 2019.
Neiliang ki bor chnong leh ymtip ki ya i daw wa wiar kani ka Centre deiwa ong leh wa i em kani ka Centre da myntoi bha ki khynnah chiboon khamtam kiwa duna ha i yoh i laa na ka thaaiñ kiwa yoh u pteiñ yei puræ ha ki kyrdan waphær waphær.
Ka seiñ daw thooh laad biang ko kammon wow wanrah biang ya kani ka Study Centre hapoh kani ka chnong wei daw lai yachem ko leh ya u Regional Director ka IGNOU ha Shillong wow yoh yutip iwa biang heiyatoh wa kani ka thaw.
Ya kani ka Centre da wanrah nadooh u snem 2002 lyngba i kreh chitom ka All Sokha Development Committee.
