Jowai: Katkam ka FIR wa da e da kawi ka manbei ha ki pulit ka Bengaluru ynne ka sngi, da ong wa u khon yong ka u Amon D. Kharsati (24 snem) uwa na Nongshiliang, Shillong da mih u na Shillong yow lai cha Punjab yow kreh hapoh Call Centre kamwa da kular u lok u uwa tip kam u Jason Marbaniang haka Company Amazon, hadien wa kreh u ar tayaw da chem u ya uwi u bru wa tyrwa kreh ya oo da iwa rap biang ha ka Call Centre wa em ha Coimbatore.
Hadien wa sdang u wow kreh ha kani ka Call Centre wa em ha Coimbatore, hadien kattu kanti sngi da sñiawthooh u wa kani ka Company toh kawa thok ya ki bru deiwa paan ya ki Bank Account Number yong ki bru.
Kamtæ u Amon ym em de sñiaw chngaiñ u wow kreh ha kani ka Company deiwa pyntip leh cha kani ka Company wa kwah u wow ieh noh yei kaam u tangwa ym chah ki wow ieh u yei kaam deiwa pynbaad ki wa tooh u ya ki tiar ki tar wa em ha thaw kreh wei da dat ki oo dep te paan ki T. 20,000 yow phah cha Bank Account u Jason.
Hadien wa dep u wow su ya ka T. 20,000 da kular wow pyllait ya oo wow lai u tangwa da knieh ki yaka Mobile Phone, ka poisa, ID Card, Aadhaar Card wa kiwi ki kot ki sla u.
Hei por 3 waje i step ynne ka 9 tarik, ka bei u Amon da yoh phone ko na u lok u khon ko uwa da khana wa u khon ko da yoh u yut na itai i thaw tangwa hadooh katni ym tip ki cheiwon u.
Discussion about this post