Shillong: Ka Meghalaya da pyndep ko ya ki yalehke yong ka ha ka Women’s Senior One-Day Trophy deiwa jop yaka Puducherry da 35 Run ha Puducherry ynne ka sngi.
Ka Saee Purandare da yah ko nakhmat daka Bat waka bol, deiwa yoh yaka spah Run wa le tylli ki Wicket hadien wa phah Bat nyngkong ka Puducherry yaka Meghalaya.
Ka Purandare da yoh ko 102 Run wei da yoh lok ko waka Daiaka Warjri (19) kiwa da kamai lang 82 Run yaka Wicket wa soo yow pynyoh yaka Meghalaya 167/8 na ki 50 Over.
Ka Puducherry da rem ko du chisien chwa ynne tangwa da dooh smat ki le tylli ki Wicket cha ka Vandana Mahajan waka Riticia Nongbet.
Da pynim biang ya i kdong Run da ki 64 Run naka Karuna Jain, tangwa hadien wa haap kiwa Bat cha pyrdi, da pyntikna yei jop hadien wa haap lut ki Wicket deiwa kamai 132 Run na ki 48.5 Over.
Kiwi de kiwa kawang bol kiwa yoh Wicket toh ka Purandare f 3/8 na ki 4.5 Over, ka Mahajan (2/21) ka Nongbet (2/26), ka Dutta (1/16) waka Pinky Chanda (1/37).
Na ki 9 tylli ki yalehke ka Meghalaya da jop ki 7 sien wei da rem arsien yow yoh wa le chooh ki kattæ na ki 10 tylli ki dhab. Da rem ki haka Chandigarh kawa yoh nyngkong waka Nagaland kawa yoh wa ar.
Discussion about this post