15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Women’s Senior One-Day Trophy: Jop ka Meghalaya yaka Sikkim

0 Comments
Advertisement ad1
Advertisement ad1
Advertisement ad1

Shillong: Ki kynthai ka Meghalaya da jop ki yaka yalehke wa ar yong ki haka Women’s Senior One-Day Trophy pyrchah yaka Sikkim da 4 Wicket deiwa sah palat 9 Over ha Puducherry ynnin ka sngi.

Ka Sikkim da jop ko yaka kylla khlem wei da jied ko wow bat nyngkong wei da kamai ko 146/9 na ki 50 Over. Ka Meghalaya da jubab ko deiwa yoh 147/6 na 40.5 Over yow jop hadien wa rem ki haka yalehke wa nyngong pyrchah yaka Nagaland.

Ka Captain Debasmita Dutta da yoh ko 4/11 na 10 Over yaka Meghalaya, ka Pinky Chanda won da yoh ko 3/30 katwa ka Ajima Sangma da yoh ko 1/21. Ka Sangma da pynkut ko yei kamai Run kiwa sdang yaka Sikkim deiwa yoh ka Daiaka Warjri wow kem yaka bol hadien wa ka Sikkim da kamai ko 46 Run wei kiwa sah ki Wicket da haap ki deiwa yoh 100 Run.

Hawa Bat ka Meghalaya, ka Saee Purandare da kamai boon dooh ko da 38 Run katwa ka Vandana Mahajan (27 not out) da yarap ko yaka Meghalaya wow poi cha ka thong.

Share this:
Previous

Palat 2,300 ngut wa yap ha China; poor u COVID-19 cha ki palat 76,000 ngut

Next

Lehbha kiwa yalehke ka WJDSA yow pynyoh wa le yaka WJH haka Meghalaya Games