Ka Meghalaya da pynkut ko yaka Women’s Senior One Day Trophy khlem ye u jop chisien leh haka Elite Group E deiwa rem sa haka Himachal Pradesh da 10 Wicket ha Chennai ynne ka sngi.
Ka Meghalaya da jop ko yaka kylla khlem wei da jied ko wow Bat nyngkong tangwa da ye ki wow kamai du 28 Run. Ka Himachal da kdong ko ya kani ka thong ha ki 4 Over.
Kamtæ ka Meghalaya da pynkut ko ya kani ka Tournament deiwa rem 5 sien haka samoi wa nyngkong yong ki hapoh ka Elite Group heiwa da yachem ki wa kiwa chkeh ki liang wa em hapoh ka ri.
Hanla rem ki ha waroh san sien, ki kynthai ka jylla ye won ki wow sñiawsarong wa man ki ka liang wa nyngkong dooh ka jylla lada ki chynrang ne kynthai ha kiwon kiwon ki kyrdan kiwa da yoh u psiah hapoh ka Elite Group hadien wa yoh wa ar ki hapoh ka Plate Group haka samoi wa da dep.
