Jowai: Ka yungkrehkaam u DC ka West Jaiñtia Hills District, ynnin ka 2 tarik da pynman ko ya ka phet Marathon na Nartiang hadooh Wahiajer chirup waka yungkrehkaam u DSO ka West Jaiñtia Hills.
Ha kani ka Marathon da wan chimbynta 215 ngut heiwa 71 ngut toh ki kynthai wa 144 ngut ki chynrang.
Ha kani ka sngi da emlang u DSO ka West Jaiñtia Hills u H. Shangpliang, u Waheh Chnong ka Wahiajer u K. Shylla, u FB Basan EAC WestJaiñtia Hills, ki Doctor wa kiwa kreh ka Nartiang PHC, ki pulit ka Ummulong Beat House wa ki pulit ka Nartiang Police Station.
Kiwa jop ha kani ka Marathon neiliang ki chynrang toh u Kephos Dhar na Nartiang Modop, wa ar u Ribet Dakar na Sabahmuswang, wa wa le da jop da u Dabit Dkhar na Sabahmuswang.
Neiliang ki kynthai da yoh nyngkong daka Pynhun Shullet na Jowai, wa ar daka Happiness Phawa na Sabahmuswang wa le da yoh daka Damon Kyndait na Jowai.
Kiwa yoh nyngkong da yoh ki u rah T. 5000, wa ar T. 3000 wa le won T. 2000.
I thmu kani ka Marathon toh wow kyntu ya ki wa thap Vote wow ya mih paidbah ki ha ka 27 tarik.
Da yoh leh ya i klam na u E. Basan, u DSO wa na u Waheh Chnong ka Wahiajer hajrong ka phang kani ka Marathon.
Discussion about this post