Shillong: U Secretary ka North Eastern Council (NEC), u Ram Muivah da wai u ya ka Space Based Information Kiosk (SBIK) neibynta ki jylla ka thaiñ mihsngi.
Ka SBIK toh ka program kawa da pynkrehkaam da ka NEC lyngba i yakrehlang wa ka State Remote Sensing Application Centre of North Eastern Region.
Kani ka prokram toh wow pynkhlan hei wow sonteri ya ki kaam wa da pynkrehkaam da ka NEC lyngba ka tnat DoNER wa kiwi kiwi ki tnat ka sorkar India.
Ka SBIK daw pyllang yutip ko lyngba ka Land Use Land Cover (LULC), ki thaw wa ktieh, ki thaw wa sepai, ki khloo, i dooh ya ki khyndaw, ki sarok, ki liar ki chka, ki thaw sah, ki um ki wah, kiwa da phah yutip lyngba ki Satellite.
Daw pynyoo ko le hi man i long ka suiñ bneiñ wa da leh lyngba ka MOSDAC kawa man ka website yong ka ISRO wa Bhuvan Satellite.
Ya kani ka SBIK daw pynyabi ha waroh ki tnat sorkar India neibynta wow yarap heiwow saiñdur ya ki kaam pynroi.
(Feature Image Representational)
Discussion about this post