Wow yada ya ka khloo Narpuh, ym randien ka STIEH wow pyrchah ya ka Public Hearing ka Star Cement

Jowai: Ka Saiñdur Tipkur-tipkha Ieng Ehrngiew u Hynñiewtrep (STIEH) da rai ko wow pyrchah ya ka yalap wow ap paidbah namo ka Public Hearing ka Star Cement Company neibynta wow pynheh ya ka paar tih moochuni ha chnong Brishyrnot ka wow man ha ka 30 tarik uni u bnai.

Neiliang ka seiñ da ong ko wa yieñ skem ko hajrong ki yurim kamwa da pyrchah ko ya ka Public Hearing wa da thmu wow pynman ya ka ha u snem wa dadep ha ka 19 u Naichiphaw.

Chooh chooh ka seiñ da ong ko wa i daw wa pyrchah ko ya ini i thmu wow pynheh ya ka paar tih moochuni ha Brishyrnot toh wa daw ktah ko chiboon ya ka Wah Lukha wa ka Wah Lunar kiwa em harood kani ka paar ka Star Cement.

Kani ka paar kawa da thmu wow tih moochuni ka Star Cement heh ko kamwa 42.051 Hectare.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da ong ko leh wa na ini i tih moochuni daw chah ktah leh ki dakha wa em ha kini ki wah wa ki mrad wa em ha kini ki khloo khamtam hapoh ka Narpuh Wildlife Sanctuary.

Neiliang ka seiñ da ong ko leh wa em ko i kitkhlieh ya ka jaitbru wow lait ki nei chah yoohbeiñ hajrong i kam yong i roi i paar.

Ka seiñ da ong ko wa ym randien ko wow pyrchah ya kani ka Public Hearing deiwa kyntu leh ya kiwi wow ksohkti lang wow pyrchah ya ka.