Wow yatipmit iwi ya iwi pynman ka kur Sookpoh Khad-ar Wyrnai da ka Variety Show

Jowai: Kam chibynta wow kyntu kynrong yei saap ki khon khynroo khyllood, kamjooh wow ya tipmit iwi ya kiwi, ka kur Sookpoh Khad-ar Wyrnai lyngba ka seiñ Khynroo khyllood Committee da pynman ki ya ka Variety Show ynnin ka 13 tarik ha yung ka kur wa em ha Chilliang Raij Jowai hei wan sakhi lang ki boon ki khon ka kur.

Chwa wow sdang ya ka yalehke waphær waphær da em chwa ka yalang wa tbian wa pynlai da u Junemon Paswet Chairman ka Khynroo Khyllood Committee wei da yoh leh ya i klam na u Dr. P. Syngkon, uwa man leh kam u President ka seiñ kur.

U symbood kongsan u Shate Paswet hawa e u yei klam da ong u wa i pynman ya kam kani ka Variety Show yooluti u wa i ka-it kasar kam ha ki por wa nachwa u wan biang ki. Da ong u leh wa da yoo wa ki khon ka kur ha kini ki sngi da rap jngai ki naka kur kamtæ lyngba kani u yarap ko wow pynyajan wei wow yarap kynrong yei sap yong ki neibhah kani man ko ka rynsan ya ki u ku ki chaphrang, lyngba i pynman ya kiwa boonjait ki prokram wa pynman da ki Committee waphær waphær.

U Richard Uriah hawa e i klam kam u kongsan, da ong u wa ha kini ki sngi da duna i yatipmit yajan chi kur chi kha namo chi yung chi sem wei kani da man ko ka laad wow wanrah ya i ya tipmit yatylli yow ye u wanrah i yatylli haka imlang sahlang wei ini waroh emkaam u sdang i na yung. Kamtæ i wan poilang kiwa boon ha kani ka Variety Show pynyoo i wa dang em i yatylli hapyrdi ka kur.

Da rah tarik ya ka General Meeting ka Kur Sana kawa daw pynman ha Jowai

May 7, 2025

Ym chah ya kiwa wan dai baam ha ka Chaad Sukra ka Seiñraij Chnong Tuber Kmaichnong

May 3, 2025

Da ong u leh wa i yatylli hapoh ka kur man i iwa suk tangwa emkaam won u em i ya kiwa yahkhmat wa chkeh wa stat u yah luti.

Boon kiyi kiyi kiwa kiwi ye ki u kylla hei rukom im yong ki tangwa iwa sdang wa iwa kut toh ka kur donhi. Da khana u wa nachwa jooh sah u cha baar ka ri tangwa sñiaw kmen u wa ye u wow emlang ha chnong Jowai kawa man ka thaw watip kur tipkha. Yooluti u wa lyngba ini i yatylli hadien habood ka kur u ye ko leh wow wanrah i roi i paar hapoh ka chnong Jowai.

Ya ka yalang da pynkut da i ktien e khublei na u I.J. Dameki Paswet, Secretary Khynroo khyllood Committee.

Hadien ka yalang da yoh ya ki chaad ki rwai naki Unit waphær waphær wada pynwyrngia ya kiwa wan paitke kam naka Chutwakhu Unit, ka Iongpiah Unit, ka Chilliang Raij Unit, ka Tpep Pale Unit, Loomiongkjam wa kiwi kiwi.