Shillong: U montri rangbah ka jylla, u Conrad K Sangma ynne da ong u wa ka Old Age Pension Scheme hapoh ka Chief Minister Social Assistance Programme toh kawa da sdang da ka sorkar nadooh u snem 2017-2018.
“Heipor wa chimkti kani ka sorkar jylla, ym du wow pynlait ya ka poisa wa sah na u snem 2018-2019, tangwa wot yong u snem 2017-2018,” da ong u Conrad heipor wa yañia hajrong i klam yong u lat.
Hadooh T. 114 klur da pynlut kani ka sorkar wow pyndep yeiwa sah nadooh u 2017-2018 da ong u Conrad deiwa pynrap wa ka nong kiwa kreh ASHA ym em yoh tulop ki nadooh u 2014.
Da ong u leh wa la soo snem ym em yoh yarap kiwa kreh Asha deiwa kdaw wa sah ka poisa hadooh kamwa T. 50 Klur heiyatoh wa ini wei kani ka sorkar wa katni da su ko hadooh kamwa T. 20 – 22 klur yong kawa sah na ka sorkar warim.
Heiyatoh wa ka kaam bordiñ, u Conrad da kdaw u wa kamwa T. 570 klur wa dang sah ko ha ka NEEPCO wei na ini kamwa 80 percent toh iwa chwa u snem 2018.
Da ong u leh wa lada ki sorkar wa dadep da chimkhia ki wow su dei langer tæ ym chahktah ware i rukom saam bordiñ kamwa man katni.
Discussion about this post