Ka seiñ FKJGP-KC hapoh i yahkhmat u Secretary yong ka, u Justme Sana ryngkat ka MPUF-EJ hapoh i yahkhmat u President yong ka, u Kyrshan Blah da lai yachem ki ya u Superintendent ka East Jaiñtia Hills wow pynkynmoo biang heiyatoh wa ka dorkhat dwa da e ka seiñ ha ka 21-05-25 hajrong i khayi masi tooh wa i chini tooh cha Bangladesh.
Neiliang ki ar seiñ da phylla ki wow tip wa wot hadien wa dadep ujor cha u SP leh kitai ki kaam tooh dang pteiñ ki hadooh ynne ka sngi deiwa lai lyngba ki Check Point yong ki pulit Ladrymbai wei ini da pynsuba joor wa em iyi iyi cha lyndet.
Ki ar seiñ da ong ki wa i chalan masi tooh Bangladesh lyngba ka thaaiñ Ladrymbai chadooh Bangladesh ym du wow pynpsiah tooh i ya ki masi tangwa pynyoo luti ki leh ya ki nong Bangladesh kammon wow psiah chapoh India iwa booh hei maa ya ka ri khamtam wa ka East Jaiñtia heiwa da roi bha ki baar jylla khamtam ha Ladrymbai, Khliehriat wa kiwi ki thaw ka District.
Discussion about this post