Ka Meghalaya People United Front (MPUF) East Jaiñtia Hills District, ynne ka sngi hapoh i yahkhmat u K. Blah wa u Assistant Secretary, u da e dorkhat ki ha ka yung krehkaam u Commissioner of Transport, Shillong wow dawa thung noh ya u Motor Vehicle Inspector (MVI) ha ka District Transport Office, Khliehriat yong ka East Jaiñtia Hills District, neidaw wym em MVI de ha ka District la kamwa 6 bnai.
Ka seiñ da yachem ko ya u Assistant Commissioner of Transport, Shillong, heiwa neiliang yong oo leh da ong u wa hapoh ka District emkaam u em u MVI, deiwa kular wow chimkhia yeini deiwa pynsñiaw yeijooh ha u Commissioner of Transport, Meghalaya Shillong.
Neiliang u President ka MPUF EJHD, u Kyrshan Blah da ong u wa nei wym em MVI ha ka District da booh ko hei eh i khoo ya ki paidbah ha kiwa boon ki rukom.
Da kyntu joor ya u Commissioner of Transport, wow chimkhia yeini khnang wa ki paidbah ka District u ye ki wow pyndep yei kaam hapoh i por.
