U Montri Rangbah ka jylla, u Conrad Kongal Sangma da ong u wa ka sorkar wa ka chnat pulit da chimkhia bha ki yeiwa ye u ktah ya i chongsuk, heiwa da ong u wa wot ya ka email wa da phah da ka ‘Lawei Ba Phyrnai’ leh ka sorkar da chimkhia ko, wei ka sorkar daw leh ko yeiwa emkaam neibynta i chngaaiñ ki paidbah.
U Conrad ong u wa kam kini ki kaam jooh em ki ym du ha kani ka jylla, tangwa cha kiwi ki jylla leh kamjooh wei em leh ki por wa kam kini ki kaam maham toh wow pyntieñ du lyngba ki email, khlem i yong sakhiat.
Da pynrap chooh chooh u wa neiliang ka sorkar ym em u kheiñstiñ wei ki pulit da krehchitom ki yeini.
U Conrad da pyntip u leh wa ynne ka sngi da yaklam bha u yeini i kaam wa ka Special Director General of Police wei da kyntait u wow ong iwon iwon.
Da ong u wa ka chnat pulit da leh ko yei kaamram, ym du tang ya ki email, tangwa yow lait u em i chah ktah i chongsuk wei hajrong ini ka sorkar dang bichaar ko leh yei maham kani ka seiñ thymme.
