Wym em u Mylliñ i

Man u snem Aa Bei Rym-aw,
Wa pynkhroo yei naam yong pha.
Chirup waki Blai Ryngkaw,
Ya i wa kær wa da.

Sei bhet sei bhar wa e i ya phi,
Nadooh narim yeini da leh.
Yei kyrkhu iwa da yoh i,
Iwa da em yoh i u neh.

Wymem u mylliñ waroh ya kynmoo,
Yang i su yei por donhi.
Yei makhane ki Blai hi da yoo,
Arhajar arphaw (2020) paya kamni.

Cha khmat ka yaw wym yoh de i u mih,
Wa poor i chitom waroh ka pyrthai.
Wym yoh de i u ya chaad ya kynthih,
Du me wow tip yeini Aa Blai.

Jar jiar ki yung ki sem u leh i,
Dei riam wa phooh wa phieñ.
U ya chaad i jar i pchem i dhari,
Wei ngooh wei dem u pynyieñ i.

Kani toh ka dak wow ya pynyoo,
Yei burom yong phi ki Blai.
Yei naam i pyrtuid phi u pynkhroo,
Kaamram i ki bru ha sla pyrthai.

Ha ki snem wa daw wan neini,
To khang to kah won mo Kynrad.
Yoh i u rah yei naam yong phi,
Dei chaad dei kmen to wai ka laad.

Hei burom mi A Tre-Kirot,
Iwa dadep booh mi katkam i thaw.
Niamtre yoh ko u nangsarot,
Hajrong yong pha Aa Bei Rym-aw.