15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Wym mano ka sorkar, maham yakhih biang ki wakreh ka 108 sa chisien

0 Comments

Shillong: Ki wakreh ka GVK EMRI 108, hapoh ka lama ka Meghalaya EMRI Workers Union da pynyang ki dei yakhih wa rap joor hadien wa da pynbaad ki wa ka sorkar wa ka Company ym mano ki yei dawa ka seiñ.

Hawa yaklam wa kiwa pathai khubor ynne ka sngi, da ong wa ka samoi ka High Level Committee kawa da booh ar bnai wow pyndep yei kaam da kut i tangwa khlem iwon iwon i chimkhia wow pait yei eh i khoo yong ki.

Advertisement ad1

U President ka Meghalaya EMRI Workers Union, u Roipar Kharraswai da ong u wa i booh por ka Committee da kut i ynnin ka sngi iwa man ar bnai tangwa ka sorkar ym em u leh ko iwon iwon hajrong ini i kamtæ da rai wow pynman dei yakhih tangwa ympu kwah ki wow pynbna ya ka tarik wow sdang i yakhih.

U Roipar da kam u wa ka Company ym em burom ko ya i hukum ka sorkar wow dam u ah tulop yong ki tangwa hadooh katni dang chah ah bait ki.

Em 204 ngut ki wakreh ha ka GVK 108 wa kynthup 54 ngut ha ri-loom Garo Hills wei boon ki kari 108 man ki kiwa da jæd da sih.

I daw wa ah ka Company ya ka tulop yong ki toh neidaw wa yakhih ki ar bnai.

Kini kiwa kreh ka GVK da kam ki wa yoosar ka sokar ym kheiñkor ko yei eh i khoo wa chem kiwa kreh ka 108 neidaw wa man ko i kreh wow chakri ya kiwa dooh.

Da dawa ki wa ka sorkar toh u booh noh ko da ka Emergency Cell ymtoh wow ekti ha ka Company iwa da pynman ya ki wakreh kam ki broo.

Da pyntip wa em kiwa chah ah nadooh san hajar hadooh khadlespah ha u Naiynñaw wei  T.130 hadooh T.3000 ha u Naisaphra. Da dawa ki wow su biang ya ka nong kawa da chah ah wei wow pynlait noh ya ka Arrear wa sah nadooh u snem 2017.

Advertisement ad1

0 Comments

Leave a Reply