Ka Meghalaya Lokayukta ynne ka sngi da pyndam noh ko ya ka Case wa ka ujor pyrchah ya u Gabriel K Iangrai uwa man u Assistant Inspector-General of Police (Administration) warim, wa ya u Director General of Police warim ka jylla, u R. Chandranathan.
Katkam wa khana u Muktiar u Gabriel Iangrai, u P. Yobin da ong u wa kani ka Case toh hajrong i kaam baamtooh wow theid ya ki kari hapoh ka chnat pulit ka jylla, wei ka bichaar ynne ka sngi ka 15 tarik neiliang uwa ujor uwa man u Spokesperson ka TMC u Saket Gokhale ym em u poi u cha ka bichaar wei neiliang ka Megahalaya Lokaykta da pyndam noh ko ya kani ka mukotduma.
Hawa kylli, u Yobin da ong u wa katkam wa man katni u Gabriel Iangrai daw em u hapoh i bichaar du ha ki kaam wa yatoh wa ka National Emergency Response System (NERS), ha Sadar Police Station, ya iwa da kem wei ujor da ka chnat CID.
Puræ leh: Kob biang u Gokhale wow yañia wa ka sorkar MDA; jubab u Conrad wym tipmit u oo
