Wym yoh ya ka tulop wa Rs. 10,000 thang uwa kreh ya ki mar wa Rs. 24 klur

Uwi u bru wa kreh kam u Accountant ha i dukan ha Surat, Gujarat kam ka tput yei wym yoh tulop wa Rs. 10,000 da pynemkaam u da i Petrol wa thied u Rs. 150 wow thang ya ki mar wa chongdor Rs. 24 klur.

Ya uni u Accountant da tip kam u Vinod Pandit Savle uwa 33 snem wei kreh u ha i dukan dai that ha Shyam Sangini Textile Market, heiwa nei mutdur wym su u tre ya ka tulop wa Rs. 10,000 kamtæ da rai u wow sneiñ ya u tre. 

Ya ini i thang u Vinod da leh u ha i miet synyaaw ka 9 tarik, deiwa wanrah ya i Petrol wa Rs. 150 ha u klong wei da thæh u yei phñiang ha ki mar wa em ha rood chwa wow thang ya ki.

Ini i diñ da poor i cha ki 14-17 tylli ki dukan dai that wei ki kari tymplæh diñ da chimpor ki hadooh 38 kynta wow tymplæh yei diñ heiwa da antaad wa da dooh nong nei iñ ki mar da kynjoh hadooh Rs. 24 klur.

Related posts

Phah ka Meghalaya High Court wow kyrriah ya ki baar ri wa chah kset patok cha kawi won ka thaw

September 23, 2026

I pynbait pood wa ka Assam dang pteiñ i hadooh katni: Conrad

September 23, 2026

Nyngkong da mut wa ini toh i iñ nei wym poi pyrkhat (Accident) tangwa ki pulit ka Surat Crime Branch da pait ki ya iwa riñ ka CCTV wow chem wa u Vinod wa thang ya ki mar.

U Vinod da yut chwa u cha Rajasthan wa Ayodhya chwa wow liwan biang cha Surat du wow chah kem ha ki pulit.