Hawa wan u Montri Rangbah ka jylla, u Conrad Sangma ynne cha chnong Mukroh yow lai e yarap poisa cha kiwa ha-yung wa khlaad kamjooh wow lai e mynsien ya ki, neiliang ka JSU da e dorkhat ko yow booh Police Outpost leh ha Mukroh wei wow wanrah biang ya waroh ki 36 tylli ki chnong wa em hapoh ka Block-I kiwa man ki chnong yong ki bru Pnar wow em biang ki hapoh Meghalaya.
U Conrad da khana u wa da dep wow pynbait rap slem wow booh yaka Police Outpost ha Barato wei da dep pynbait wow wai ya ka ha kani ka 25 tarik, tangwa katni lada rah ya kani cha Mukroh daw hap wow pynkreh ya ki kot ki sla deiwi wei hap leh wow pyrkhat ya ki bru ka Barato neibhah daw wanrah yei kulmar wei daw em i sñiaw wa chah leh chilliang ki deiwa rah cha Mukroh.
Tangwa da pynrap u wa ya ka Police Outpost kani ka thaaiñ da dep wow chim rai wow booh tangwa yei thaw ye u rah cha iwi deiwa em i ya sñiawthooh lang ki paidbah.
Neiliang ki seiñbhalang da ong ki wa emkaam wow booh ha khappood ya ka Outpost kamjooh leh wow booh rap boon ki pulit.
