November 23, 2022
Ki seiñbhalang hawa yoh ki u yachem yaklam wa u Montri Rangbah ka jylla, u Conrad K Sangma ynne heipor wa wan u cha Mukroh yow lai e poisa yarap cha kiwa ha-yung kiwa khlaad nei chah siat ha ki pulit ka Assam kamjooh wow lai pynoo yei wyrai wei wow e mynsien, da kylli na oo yei pynslem u pyndep ki Regional Committee yei kaam hapoh 45 sngi kamwa da booh yow pynbait ya ka bhah wa ar wa dang sah ki bynta wa ya kajia pood deiwa ong leh wa lada leh ki yei kaam, ini wa jia ha Mukroh ym jia i.
U Conrad hawa jubab da ong u wa ini i kaam la 45 snem ym pu em wa yaleh u pynbait, wei ka sorkar wa katni toh kawa nyngkong kawa da leh yeini wei da dep wow pynbait ya ki 6 tylli chwa ki thaw wei katni da yaleh katwa ye i bor wow pynbait sa ya kiwa dang sah wei yow leh yeini ym toh iwa suk wei i wym ye u pyndep hapoh chi sngi ar sngi donhi.
Advertisement
Da ong u leh wa da dep wow booh ha kani ka 30 tarik wow yachem ki Regional Committee tangwa daw hap pyrkhat lada daw lai ini chakhmat deiwa pyrkhat yei long i man kattæ deiwa pynrap wa ka sorkar chimkhia ko ya ini wei daw em bait i eh wow hap maad.
Neiliang kiwa yahkhmat ki seiñbhalang da ong ki wa emkaam wow booh ki pulit kamjooh ki CRPF ha waroh ki thaw khappood wa em i kajia yow lait biang u jia ini i jooh.
Advertisement
