Ya ka ILP da toh u pynkrehkaam nadooh wa yoh ya ka jylla: Sanbor Shullai

Shillong: U MLA ka BJP na South Shillong Constituency, u Sanbor Shullai da ong u wa ya ka Inner Line Permit (ILP) da toh u pynkrehkaam nadooh wa yoh ya ka jylla ha u snem 1972 wow yada yei yoh psiah naphang ki bru wa na baar.

“I da yoo i wa nadooh nachwa wa ki seiñbhalang kam ka KSU, FKJGP ki da dawa ki ya ka ILP tangwa ym em man kaam ko wei katni won ki seiñ hapoh ka CoMSO da mih ki chakhmat. I emkaam i ya ka ILP,” ong u Sanbor hawa yaklam wa oo ynne ka sngi.

“Ki MLA/MDC wa ki seiñbhalang da toh wow dawa ki nadooh kitu ki por. Nga ym sñiawthooh ko wa ki bru yong i ym ksiad ki wow pyn sñiawthooh wei du hadien wa poi ka um ha rdang,” da ong u.

U Sanbor da ong u wa ka ILP daw yarap ko chiboon wow yada ya ki paaid ri-loom wa khian paaid nei chah tyllep. “I hap i wow kyrchaan ya kani ka dawa ILP,” da ong chooh chooh.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ka BJP toh kawa emlang ha ka sorkar Meghalaya Democratic Alliance (MDA) wei u MLA ka BJP da ong u wa ka Party daw yaklam ko waka sorkar jylla neibynta wow dawa pynkrehkaam ya ka ILP.

“Neiliang ka BJP wei kamjooh na nga samen u pynbor i ya ka sorkar u Conrad Sangma wa toh u pynkrehkaam noh ko ya ka ILP ha ka jylla neidaw wa yoo chirkhei i yoh u psiah kiwi won ki jaitbru,” da ong u Sanbor.