Shillong: U MLA ka South Shillong Constituency uwa man leh u kyrtong MP ka BJP ha ka Election wa dang dep u Sanbor Shullai da ong wa lada jop ka Congress ha kani ka jylla daw hap ko wow chong ha ka liang pyrchah, wei lada jop ka seiñ ri-loom, u MP hap u wow chong baam sa-ut ha waroh san snem cha kdong.
“Katni lada phah phi ya ka Congress u chong ko cha kdong ha ka liang pyrchah, u Pala u wym jooh klam iyi iyi ha Parliament, tangwa lai Delhi u du wow klam Business yong oo samen cha Delhi,” da ong u Sanbor deiwa pynrap chooh deiwa ong, “Ki seiñ ri-loom da dep phah ki nachwa neini tangwa ym jooh yoh ki tang u klam leh ha Delhi wei u hap kiw wow chong cha kdong wow baam sa-ut waroh san snem.”
Da kam u leh ym ye wow khang ya ka BJP wow chna biang ya ka sorkar wei ha u snem 2014 da yoh 282 ngut ki MP wei ha kani ka kynti daw yoh hadooh 310 ngut ki MP.
Da ong u wa lada ki paidbah man ki kiwa stat toh u phah ki ya ka BJP na kani ka jylla cha Delhi deiwa kam leh wa u Modi da ong u ya oo (Sanbor) wow man u kam u khon khaddooh yow pynyooh Scheme.
“Nga ym ye O wow ong ya ka jop ka rem wei hap yang ya ka 23 tarik yow tip wa lada ki paidbah daw sihlet ki ha kini ki 5 snem,” da ong u Sanbor Shullai.
Discussion about this post