Hadien wa da pynmih khubor ka chnong Panaliar wa ya ka Syntu Ksiar Fish Sanctuary dadep chimkti ko ka wei wei da e kti won ha ka Panaliar Tourism & Environmental Development Society (PTEDS) wow pynlai ya waroh ki kaam wei ha kani ka khubor da maham ko leh ya kiwon kiwon kiwa khwe tooh næ leh pynsih ya kani ka thaw.
Hajrong ini, neiliang ka Jaiñtia Fishing and Environment Protection Association (JFEPA) dadep lai yachem ko wa u Deputy Secretary ka JHADC ynne ka sngi yow paan pynche yeini wa da kam ka Panaliar.
Heini i yachem, neiliang u Deputy Secretary da pyntip u wa neiliang ka yung krehkaam yong oo ym em u e bor ko ya kawon kawon ka seiñ næ ka chnong neibynta kani ka Syntu Ksiar Fish Sanctuary lait noh cha ka Jaiñtia Fishing and Environment Protection Association wei da sñiawphylla u hajrong kani ka khubor kawa da mih.
Da pynkynmoo leh wa ya kani ka Fish Sanctuary ha Syntu Ksiar, ka Jaintia Fishing and Environment Protection Association da yoh ko ya ka NOC ha u snem 2015 wei dadep pynthymme biang ha u snem 2021 weiwa ya kani ka Fish Sanctuary hadooh katni dang man hi ko hapoh i pait i yoo yong ka Association.
Halor ini neiliang ka JFEPA da kyrpaad ko ya waroh kiwa chong chnong ka Jowai wym hoi u chah yahbkla ki wei chah pynbiej ki yeiwa dadep mih khubor.
I pyntip na u President ka JFEPA u D.H. Pde.
Puræ leh: I maham ya kitu kiwa khwe ha Syntu Ksiar Fish Sanctuary
Discussion about this post