15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ya kiwa yoh COVID-19 kiwa ym em chitom u pynlait liwan yung hadien 10 sngi khlem da leh Test

Advertisement ad1

U DHS (MI) ka jylla u Dr. Aman War da pyntip u ynne ka sngi wa heiyatoh wa kitu kiwa yoh ya u COVID-19 tangwa kiwa ym em ya ki dak ki chin wa chitom (Asymptomatic) wa hadien 10 sngi u pynlait noh yaki khlem da leh de ya ki Test wei hap ki wow leh Quarantine ha yung sa 7 sngi iwa mut 17 sngi waroh.

Da ong u wa katkam i chem ka ICMR da e ki deiwa che wa hadien 17 sngi kiwa dang em ya uni u khñiang ym ye ki wow pynpoor ya uni u khñiang cha kiwi kamtæ neiliang ka chnat i chait i khiah da pynmih bait ki ya ki kyndon deiwa bood bait thij yaka kyndon yong ka ICMR.

Advertisement ad1

Da ong u leh wa da hap i wow imlang wa uni u khñiang wei wow kheiñ ya uni u khñiang kam kiwi ki khñiang kjut wei kamwa leh wow yada na kiwi, ya uni leh toh u bood ya ki kyndon wow yada kiwa rap palat ya kiwi deiwa bood ya ki le tylli ki laad yada kitæ deiwa pynemkaam yaki Mask, u pynemkaam yaki Sanitizer kamjooh wow leh khooid yaki kti wei wow yajngai uwi na uwi.

Da ong u leh wa i deiñ yaki Mask toh wow burom leh ya kiwi deiwa tymmoh yei khmut wa i ktien ym toh ha wah i ktien i khmut neibhah ym em myntoi lada deiñ yaki ha ini i rukom. Neibhah uni u khñiang ye u wow psiah na i khmut, i ktien wa i khmat.

Chooh chooh da ong u wa ini i yada toh lada em wa yoh leh daw duna ki ym toh deiwa boon chisein yoh.

Kiwi ki kyndon yei rukum pynlait ya kiwa yoh COVID-19 kiwa em ya ki dak ki chin ye phi wow puræ heini ha wah.

Puræ leh: Pynbna ka sorkar yaki kyndon thymme wow pynlait ya kiwa yoh COVID-19

Share this:
Previous

Ye hi ka sorkar wow booddien ya kiwa em hei maa wow yoh COVID-19 tangwa chem chitom manda ym bien ki u ya krehlang: Prestone

Next

Da khang yaka Umiam Police Station hadien wa yoh COVID-19 ki pulit