Ka Sub-Divisional Officer yong ka Amlarem Sub-Division da pynbna ko cha waroh ki manyung yong ka Amlarem Sub-Division wa da pynlait ya u khoo uwa haap hapoh ka Pradhan Mantri Garib Kalyan Anna Yojana Scheme (PMGKAY) neibynta u bnai April 2020 cha ki manyung wa dooh hajrong i chah ktah na i poor yong u khñiang kjut COVID-19.
Heiyatoh wa ini, ka sorkar da pynlait ko ya u khoo wa u dai cha ki manyung wa dooh wa duk hapoh ki chnong kiwa haap hapoh Amlarem Sub-Division lyngba ki Fair Price Shop Centers namo ki dukan rachon hapoh ki chnong wa haap hapoh Amlarem Sub-Division nadooh ka 21 tarik uni u bnai (April).
I rukom saam ya u khoo man i kamni ha wah:
- Ya u khoo wa u dai u saam du cha ki manyung wa haap hapoh ka NFSA (AAY wa PHH).
- Ya u khoo toh u saam 5 kg chi khlieh.
- Ya u dai u saam 1 kg kawi ka Card.
- Kini ki marbaam toh kiwa saam mynkna ya kiwa em hapoh ka NFSA (AAY wa PHH) wei toh u lai chim ya kitai ki mar rachon na ki dukan rachon kiwa em ha ki chnong yong ki.
- Lada em kiwon kiwon kiwa chim dor lane ki wym yoh ya kitai ki mar kiwa da kdaw haneiñ, ye wow ujor cha ka ADC (Supply) I/c Amlarem Sub-Division deiwa thoh che ya i pyrtuid waka chnong yong ki khnang yow ye u pynchitom ya kiwa leh pyrchah ya iwa phah katkam ka aiñ.
Discussion about this post