Ki ar ngut ki bru kiwa na ri-loom Garo da yaleh mukotduma ki pyrchah ya ka sorkar Meghalaya hakhmat ka High Court ka Meghalaya heiyatoh wa i tih mooyong pyrchah ya ka aiñ hapoh ka jylla kamjooh i chalan tooh ya uni u mooyong cha Assam dep tep pynpsiah biang oo chapoh Meghalaya yow chalan won cha Bangladesh.
Ha kani ka mukotduma kawa da chong bichaar ynnin ka sngi, da ong wa kini kiwa kit ya u mooyong na Meghalaya da chna ki ya ki kot thok ha Assam yow pynyoo wa uni u mooyong ym toh uwa tih napoh Meghalaya.
Ka sorkar hawa e yei jubab da ong ko wa da dep wow pynman ya ka Magisterial Inquiry wei da chem toh wa da biang ki kot ki sla hadien wa da pait ya ka GST wa da su neibynta u mooyong kamtæ ym emkaam de wow takit chooh chooh.
Tangwa kiwa yaleh mukotduma da ban joor ki wa kini ki kot ki sla toh kiwa da chna thok yow pynpsiah ya u mooyong wa da tih pyrchah ya ka aiñ chapoh ka jylla.
Heiyatoh wa ini, ka yung bichaar da phah ko leh ya ka sorkar Assam wow phah bru yow pynche yeini heiwa da khana ki wa em hi wa chem ki yei kit pyrchah aiñ ya u mooyong kamtæ da phah ya ki wow e jubab lyngba ka Affidavit kamjooh heiyatoh wa i chah pynbaad wa chna thok ya ki kot ki sla khamtam i su GST.
Ya ka mukotduma daw chong bichaar biang ha ka 14-11-22.
