15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Yachem heh sorkar ka JYF wa chitom kiwa lai puræ ha Ri-loom Jaiñtia

Advertisement ad1

Ka JYF (CB) ynne ka sngi hapoh i yahkhmat u President Rangbah yong ka u O.L. Tariang wa u Dawyoo Lyngdoh u Education Secretary (CB) da lai yachem ki ya u Director yong ka DHTE & DSEL Shillong hajrong i eh wa ki khynroo khyllood wa dang lai puræ da maad ki hapoh Ri-loom Jaiñtia.

Ha ini i yachem da yoh wow ya syllok rap sani bha heiwa neiliang u Director da kular u wow chimkhia ya ini i kaam. Neiliang u O.L. Tariang da ong u wa lada kamni cheiwon u yah ko ya ka mynried kiwa lai puræ lada ki skur ki College ym pdiang ki ya ki khamtam ha kam ini i por wa ki manyung da maad ki yei eh ha ki liang waroh neidaw wa chah ktah ha ka khlam COVID-19.

Advertisement ad1

Neiliang u Dawyoo Lyngdoh da ban joor u ya ki bor wa toh u pait ya ki kaam puræ puthi wow chim khia ya ini i kaam neibha lada kiwa lai puræ ym yoh thaw ki, daw wanrah ko yei sñiawsih wa khroo wei daw booh sa ya i kylli wa khroo kammon ki khynroo u tei ki ya ka mynried wa tyrchaaiñ. Chooh chooh da kyrpaad u ya ki khynroo khyllood wa ki bei ki pa wow yaichah ki wei wow ya krehlang wei da yooluti wa ki bor wa toh u pait ya ka chnat puræ puthi daw pynbait smat ki ya ini i kaam.

Share this:
Previous

Tyrwa ka JSU wow pynman dei skur step wei miet yow yoh thaw puræ kiwa lai Class XI

Next

I wym chah wow yaklam ya iwa wanrah ka Congress toh katkam ka aiñ: Speaker