Ynne ka sngi ka seiñ Akhil Bharatiya Vidyarthi Parishad (ABVP) Meghalaya hapoh i yahkhmat ka Darilin Tang kawa man ka State Secretary ka seiñ da lai yachem ko ya u Lat ka jylla u Satya Pal Malik.
Ha ini i yachem ka seiñ da yaklam yillu ko hajrong i puræ puthi wa katni khamtam ha ka kyrdan Higher Education wa khamtam ki Post Graduation College kiwa dang duna bha ha ki District waphær waphær ka jylla.
Da yaklam leh hajrong ki kaam wa da leh ka seiñ kiwa lai katni kam ka Best Students Award, Mission Sahasi (Self Defence Training for Girls), Carrier Guidance, SEIL, Personality Development wa i e yarap mar-baam ya ki khynnah heipor ka Lockdown.
Chooh chooh da yaklam leh hajrong ka Parishad Padchala kawa man ka Tution Class ya ki khynnah kiwa hapoh Class 5, ya ki khynnah ki wym yoh laad u leh ya ki Online Class ka ABVP iwa da chimkhia ko u chim Class ya ki khynnah kamwa 2 kynta chi sngi wei ya kani da sdang nadooh u Naichiphaw.