Ynne ka sngi neiliang ka HITO West Jaiñtia Hills District chirup waka HITO Jowai Town hei yahkhmat u Crissence Ksoo uwa man kam u Secretary yong ka West Jaiñtia Hills District da lai yachem ki ya u Chairman yong ka Jowai Municipal Board (JMB), u P. Lyngdoh yow kylli heiyatoh wei thaw noh jhep.
Hawa yaklam wa u Chairman yong ka Municipal da ong u wa katkam wa man kattæ da lai luti ki wei i thaw noh jhep da em hi i wa da pynkhreh ki, tangwa yeini da ong u chwa wow lai i kaam chakhmat toh u yoh bor (Clearance) na ki soo tylli ki chnat wa kynthup yaka NGT, Pollution Control Board, Forest Department waka Irrigation ki wow pait wow sylli khnang wa kani ka thaw noh jhep u lait ko u ktah ya ki um baam um dih, ki khloo kamjooh leh yaka rep ka riang.
Chooh chooh ka seiñ da chem ko wa katkam wa man kattæ ymtip cheiwon i thaw wa noh jhep neibhah da e da ka Contract yow lai noh yei jhep wa mih na sor Jowai, kamtæ ka seiñ dap ko dei sñiawkhia wow tip wa i thaw noh jhep man i iwa chibet chipor donhi wei da dawa naka sorkar wow chimkhia noh ya ini.
Ka seiñ da ong wym kwah ko wow yoo biang sa chisien yei jhep wa lang haphrang yung krehkaam u DC wa haphrang ka Thomas Jones Synod College, Jowai wei sa iwi leh ka seiñ da ong ko wa ka sorkar toh u chna ko yaki thaw noh jhep katkam ka juk wa katni wei u pyrchah ka seiñ lada chna katkam wa noh nachwa ha Mynkjai.
Discussion about this post