Yachem ka HYC ya u Director ka chnat Infiltration ka jylla hajrong i psiah tooh ki nong Bangladesh

Shillong: Ka Hynniewtrep Youth Council (HYC) hapoh i yahkhmat u President, u Robertjune Kharjahrin, ynne ka sngi da lai yachem ko ya u Director ka chnat Infiltration u O. Passi.

Ini i lai yachem toh wow tip ya i rukom krehkaam ka chnat i wow pait yei wan psiah ki bru na baar jylla.

Hawa yaklam wa kiwa pathai khubor hadien i yachem, neiliang u Robertjune da ong u wa u Pasi da kubur u wa em chiboon i duna ha ka chnat khamtam ki bru neibhah wa da pynemkaam da ki jooh ki pulit yong ka District.

I duna toh i wym em ki thaw krehkaam ki pulit kam ki kyrdop, ki kari neibhah kamwa yoh kem ya ki bru du na Byrnihat wa Ratacehrra da man i palat ya le hajar ngut hadien ka jylla Assam da pynkrehkaam ko ya ka NRC.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Robert da ong u wa kam ka seiñ ha kini ki sngi daw lai yachem ko ya u montri ka kaam pohyung ka jylla u James K Sangma wow dawa na ka sorkar wow em noh da ka chnat pulit yong ka chnat Infiltration wei wa ka sorkar daw pynbiang ko ya i emkaam yong kani ka chnat sorkar wa emkaam.

Da ong u leh wa lada ka jylla yoh ko ya ka Inner Line Permit toh ka chnat Infiltration wow pait yei psiah i mih ki bru na baar wei wow pynkhlan yei rukom krehkaam yong ka kam wow pynkhreh chwa u krehkaam ka ILP.