15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lai chakhmat i pynkhreh yaka Shillong Smart City ha i lut wa T.150 klur

0 Comments
Advertisement ad1
Advertisement ad1

Shillong: U montri ka sorkar jylla wa pait yaka kaam pynroi sor, u Hamletson Dohling da pyntip u wa ka sorkar da pynkhreh ko neibynta wow pynman yaka sor Shillong kam kawi na ki Smart City wei na ini i bynta hadooh katni, ka sorkar da pynkhreh wow pynlut kamwa T.150 klur.

Hawa klam wa ki laad pathai khubor ynne ka sngi, u Hamlet da pyntip u wa ka sorkar lyngba ka Project Smart City da pynkhreh wow pynkylla noh ya ka yaw Laitumkhrah kawa jooh tip kam ka yaw Shillong deiwa tympra noh yaka yaw kawa em katni yow chna da kawa thymme ha i lut kawa man T.30 klur.

Da pyntip u wa neibynta ini, ka kaam da lai ko chakhmat wei da dep wow khut Tender da ka Shillong Municipal Board (SMB) wei da e leh yaka kaam cha uwi u Contractor, wei iwa sah toh sa du wow pynmih ya ka Work Order.

Da pyntip u leh wa yaka Project Management Consultans (PMC) leh da dep wow thung wei kani ka PMC da pynkhreh ya ki Detail Project Report (DPR) neibynta ka Smart City.

U Hamlet da pyntip chooh chooh u wa ka Shillong Smart City da pynkhreh leh wow chna ya ka Smart Road, kawa mut wa ka sarok kawa biang nadong chadong nadooh i heh, i pynbiang ya ki nala wa kamjooh ya ki thaw wow pynyieñ kari, wei ini u man ko haka sarok na Raj Bhavan cha Polo ha i lut kawa T.30 klur.

U montri da pyntip u leh wa lyngba ka Shillong Smart City, ka chnat da pynkhreh ko leh wow chna sa kawi ka yaw ha Polo ha i lut kawa man T.80 klur wei ya kani ka yaw daw chna ha i thaw ka SMB. Hawa kylli ya ka yaw kawa da pynyieñ katni ha Polo, neiliang u Dohling da pyntip u wa hadooh katni, ka National Buildings Construction Corporation Ltd (NBCC) ym pu em e kti ko ya i chna cha ka chnat ka Municipal wei ka sorkar ym pu ye ko wow leh iyi iyi leh. Da pyntip leh wa ha katai ka thaw iwa da dep chna man ko kamwa 300 duna ki dukan ya kiwa ka chnat daw e kti ko cha ki bru kiwa toh hok wow yoh pynemkaam.

Hawa yatoh wa i chna ya ki thaw pynsahnaam, u Dohling da pyntip u wa ka chnat pynroi sor da pynkhreh ko yaka thaw ha Barik kawa man ka thaw yong ka chnat PWD kawa em 2.2 Acre. Da ong wa neibynta ini, ka chnat da khut ko leh ya ka Tender ya kiwa chna wa pynwan dur.

Chooh chooh da pyntip wa em 5 kynhun kiwa da phah ya kiwa pynwan dur yong ki, wa kynthup na ka Flying Elephants Studio Project na Bangalore, ka Department of Architechture, Science and Technology na NEHU, ka M/S Kshestra na Hyderabad, ka Design Cell Faws Design na Shillong wa ka Visio Architechture Ltd. Port Louis na Mauritius. Wei ka chnat da jied ko ya kawa pynwan dur kawa toh na Shillong hi.

Hawa kylli heiyatoh wa i pynlut poisa, u Dohling da pyntip u wa i yabhah poisa man ko 50-50 na ka sorkar jylla wa ka sorkar pyrdi.

Share this:
Previous

Sniawkhia ka seiñ SBYWA yeiwa jia ha thaaiñ khappood wa ka Bangladesh

Next

Yachem ka HYC ya u Director ka chnat Infiltration ka jylla hajrong i psiah tooh ki nong Bangladesh