Yachem ka JSU-JC ya u SP ka WJH heiyatoh wa ki Speed Breaker ha ki laad ka Jowai Bypass

Jowai: Ka JSU Jowai Circle da lai yachem ko wa u SP ka West Jaiñtia Hills ynne ka sngi neibynta ka Jowai Bypass hei yahkhmat u President ka seiñ u Neal Jordan Rymbai wow yaklam wow booh da ki Speed Breaker wei wow booh leh ya ki Traffic Light namo ki dak neiliang ki pulit ka Jowai Traffic.

Ka seiñ da leh ko ya ini neidaw wa dang ha kini ki sngi wa da dep da khlaad kawi ka manbei neidaw wym biang ki laad wow pynsuki yei pynher kari ki bru ha laad wow psiah cha ka Jowai Bypass wa em ha Soomer.

Neiliang u SP da kular u wow leh yeiwa emkaam wei da pyntip u leh wa da pyndep ya ka takit wei da dep thoh leh cha ki bor wa toh u pait ya kani ka kaam.

Kamtæ ka seiñ ngait ko skem wa daw chimkhia kiwa toh u pait ya kani ka kaam yow leh ki yeiwa emkaam.