Jowai: Katkam wa pyntip ki pulit, ha ka step ka 26 tarik heipor 5:00 waje i step uwi u bru wa tip kam u Tengsin Rema (58 snem) na Bongbanga, SWGH da wan pyndem u chirup wa kawi ka suloi (SBML) ha Mahendraganj Police Station (SWGH).
Da phla u wa ha ka 25 tarik heipor kamwa 6:00 waje i miet da lai u cha iwi i khloo wa em kamwa 2 Km na i chnong wa sah u yow lai siat mrad deilang wa u khon u, u Galin A Sangma (35 snem).
Ha ini i lai siat mrad u Tengsin da toh bakla siat u ya u khon yong oo wei da khlaad noh u pyn hei thaw wa chah siat u.
Ya i metyap da kit cha Tura Civil Hospital yow pyndep ya iwa emkaam wei ki pulit da kem ki ya u pa u Gailin.
Discussion about this post