Ka JSU Central Body ynne da yachem ko markhmat wa u Montri Rangbah ka jylla, u Conrad Sangma heipor wa wan u ha Jowai yow booddien yei dawa wa dang dep jia ha chnong Mukroh wa yatoh wow booh BOP ka sorkar cha khappood.
Ka seiñ da dawa ko wow booh ya ki Border Outpost (BOP) ym toh chapoh ki chnong ki thaw tangwa toh u booh ha Zero Line ha khappood.
Ka seiñ dawa ko naka sorkar wow leh daka Joint Inspection deiwa kynthup lang yaka JHADC wa kiwa chong chnong ka Mukroh yow thooh bniah bha ya u pood u ang yow yoh booh BOP ha Zero Line neibynta wow yada ya kiwa chong chnong yow lait nei chah knieh thaw wei chah pyndik haka Assam.
Da dawa leh wow pynkup bor yaki pulit ka jylla wa chong sonteri ha khapood wow pynuiñ kylla lada em iwon iwon i siat na ki pulit Assam kam chibynta u yada ya ki paidbah ka thaaiñ ka chnong khappood.
Da dawa wow pynuiñ yaki 36 tylli ki chnong Khasi-Jaintia na Block-I cha Meghalaya.
Ka seiñ da pyrchah joor ko yei thmu klam pynchit u CEM ka Karbi Anglong Autonomous Council (KAAC) wei i thmu hi ki Karbi u booh mot sah kymmoo ha u pood u ang ka chnong Mukroh ya u pulit Forest Guard ka Assam wa yap ha Mukroh nei yasiat para ki hi, kamtæ da dawa wa ka sorkar jylla ym toh u e laad ko yei thmu u CEM ka KAAC neibhah kani daw wanrah ko i mihsnaam namo i sñiaw yaphær hapyrdi ki jaitbru Ynñiawtrep wa ki Karbi.
Neiliang u Conrad da kular u wow leh yaka Joint Inspection yow tipmit ya u pood u ang ka chnong Mukroh wei wym e laad wow chna ya u motdur u Forest Guard ha Mukroh.
