Jowai: Ynne ka sngi, u President ka Jaiñtia Students Union, u Lawyerson War wa u President JSU-Shillong Circle, u Treiborlang R Suchen, ryngkat wa u Preside ka JYF, u Wanbun Dkhar, da lai yachem kyrpang ki ya u montri ka tnat Sports and Youth Affairs ka jylla, u Banteidor Lyngdoh heiwa da ekti leh ha oo ya ka dorkhat.
Ha i yachem kini kiwa yahkhmat kini ki ar seiñ da kyntu ki wa ka sorkar jylla toh u kyruiñ ko cha ka ri-loom Jaiñtia wow yoh pdiang ya ka National Games deiwa pynman ya ki yalehke ha kani ka thaaiñ.
Da ong wa i yohlaad wow pynman ya ka National Games ha kini ki thaaiñ ka jylla daw yarap bha ko wow kyntu chooh chooh ya ki khynroo khyllood ka thaiñ wa ka jylla hi waroh kawi khamtam kiwa em ka sap wow dang ku ki ha ki kaam yalehke ki waphær waphær wei wow man kam ka laad wow kyntu ya ka thaaiñ wow man kam ka thaw wow uiñke suwari deiwa yoh pdiang ya ka National Games 2022.
Neiliang u Banteidor da kular u wow rah ya kani cha ka Committee wa pait yeini.
Discussion about this post