15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yachem ka JSU ya u Dy. CEM ka JHADC hei yatoh wa ka Non Encumbrance Certificate

0 Comments

Jowai : Ka Jaiñtia Students’ Union (JSU) Seiñ Bei kam chi bynta wow booddien yei dawa ka seiñ na ka JHADC yow e noh ya ka Non-Emcumbrance Certificate cha ki paidbah, ynnin ka 16 tarik hei yahkhmat u President yong ka u Rikut Pareiñ da yachem ki wa u Dy. CEM ka JHADC u A.A. Shullai hapoh ka
kamra krehkaam yong oo.

Ha ini i yachem neiliang u Dy. CEM oo da pyntikna u wa neiliang ka EC da dep yachong pyrkhat ki yei dawa ka seiñ wei da rai leh yow leh katkam wa dawa ka JSU.

Advertisement ad1

Da ong chooh u wa kamwa man kattæ dang sah sa du ka Law Department wow pynbiang ya ki kyndon u e ya kani ka Certificate, wei chisien wa dep yeini u sdang noh u e ya ka Non-Encumbrance da ka JHADC.

U Dy. CEM leh da ong u wa ya kani ka Certificate kawa emkaam bha ki paidbah yow chim ram na ki Bank yow ye ki u bynda ya ki thaw ki bhaw heipor wa chim ram ki na ki Bank, toh i kaam yong ka council neibhah ka toh kawa pait ya i khyndaw u chyiap hapoh ka Sixth Schedule.

Hei yatoh weini ka JSU da kyrpaad ko ya ka JHADC hapoh i yahkhmat ka EC u ma Thombor Shiwat kam u CEM yow pynsmat u pynkhrehkaam noh ya i e Non-Encumbrance Certificate yow lait noh ki paidbah u hap su ya i dor wa heh manda leh ya ka registration hapoh ka Office ka Registrar Department hapoh ka Office u DC.

Previous
Next

0 Comments

Leave a Reply