15 49.0138 8.38624 1 0 4000 1 https://wyrta.com 300 0

Yachem ka KAS ya u Kiren Rijiju wa ya u Rajnath Singh yow tipmit noh ya ka ktien Khasi

0 Comments
Advertisement ad1

Jowai: Ki dkhot ka Khasi Author’s Society (KAS) hei yahkhmat u President ka seiñ u Prof. D.R.L Nonglait hei emlang u montri ka sorkar jylla u AL Hek da yachem ki wa u Kiren Rijiju, Union Minister of State for Home Affairs ha kani ka 3 tarik uni u bnai ha thaw sah u ha New Delhi wei da e kti ha oo ya ka dorkhat wa 7 sla kawa batai chaphang ka ktien Khasi kamjooh kawa kyrpaad ya oo yow leh ya iwa emkaam yow pynpsiah ya ka ktien Khasi hapoh ka 8th Schedule ka riti synchaar ka ri.

Neiliang u Rijiju da ong u wa ki bru chemphang daw chong bichaar ki ya ini neibhah kamwa man kattæ da em 38 tylli ki jait ktien kiwa yaleh wow psiah hapoh ka 8th Schedule heiwa ka ktien Khasi man ko kawi na ki. Da pyntip u leh wa chong ha i sniaw ka Central Institute of Indian Languages (CIIL) waka Union Public Service Commission (UPSC).

Ki dkhot ka KAS da pyntip ki cha oo wa boon kiwa puræ ya ka ktien Khasi ha ki 54 tylli ki College hapoh Meghalaya hadooh ki kyrdan Honours heiwa ka Department of Khasi, NEHU da e ko ya ka Ph.D. Degree ha ka Subject Khasi. Kamtæ lada booh ya ka Khasi kam kawi na ki Optional Subject ha ki UPSC Exam ym ktah neibhah boon ki bru wa biang ya ka kyrdan puræ yow pait ya kani ka kaam.

Ha ka 5 tarik uni u bnai won ki dkhot ka KAS da lai yachem won ki ya u Home Minister u Rajnath Singh uwa da pyntip ya ki dkhot ka KAS wa da dep yaklam u montri rangbahdooh u Narendra Modi heiyatoh wa ini.

0 Comments

Leave a Reply