Ka KSU West Jaiñtia Hills District Unit da lai yachem wei da e ko dei thoh cha u DC hajrong i chah pyndik, wei chah maham beh chnong ya kiwa chong chnong yong ka Elaka Labang Nangphyllut wa Pangam Raliang kiwa em ha Block-I.
Yeini da leh ka seiñ hadien wa mih khubor na ki paaid wa chong chnong katai ka thaaiñ hajrong i leh embor ki bru Karbi.
Ha itai i yachem wa u DC neiliang ka seiñ da pynsñiaw ko yeini i chah leh embor wei chah maham beh chnong hadien wa kiwa chong chnong katai ka thaaiñ da kyntait ki wow thap Vote ha ka Election jied Member of Autonomous Council (MCA) ka Karbi Anglong Autonomous Council kawa da pynman ha ka 8 tarik uni u bnai.
Neiliang u DC da kular u wow chimkhia wei wow leh smat ya ini i bynta khnang wym jia iwon iwon iwa sih.
Kamtæ ka seiñ da pynsñiaw ko yei sñiawsih hawa yoo ya kam ini wa jia ya ki paradoh para snaam wei lada ki paaid Karbi dang pteiñ ki wow leh embor wow pyndik, ym yohsa wow chim da kawi won ka luti lada man ha iwon iwon i luti du wow chngaaiñ ka jaitbru yong i.
Puræ leh: Rai ki paidbah ka Block-I wym thap Vote ha ka Election ka Karbi Anglong Autonomous Council
