15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yachem ka KSU War Jaiñtia wa u SP yow pynboon pulit cha ka thaaiñ Dawki

0 Comments

Jowai: Ka Khasi Students’ Union War Jaiñtia Circle ynnin ka sngi da lai yahcem ko ya u Superintendent of Police ka West Jaiñtia Hills District hajrong i chah lute wa i chah pynmynsoo ki paradoh parasnam ka thaaiñ War Jaiñtia ha ka miet 4 tarik.

Ka seiñ da pynsñiaw ko ha u SP hajrong ini i jia wa ym toh de ka sien wa nyngkong namo iwa thymme wei iwa wa da jia da boon sien wei da em ki bru kiwa lait salit leh na tyrsim kini ki damok wei ha katu ka jooh ka thaw kawa booh yei maa ya kiwa lai wa wan. Ka seiñ da pynrem joor ko ya ini i jia wei da dawa leh na u SP wow pynjoor bha i sonteri ya kini ki thaw wei wow phah rap boon ki pulit cha Dawki Police Station.

Ha ini yaklam, u SP leh da beiñ joor u wei da sñiawsih u ya kitu kiwa chah ktah wei da ong u wa dang lai chakhmat ka takit wei da dep yaklam u leh wa u DC wei da dep thoh leh cha ki heh BSF yow pynkhlan ki ya i pait yaka thaaiñ khappood khnang wa ki bru wa na baar ym yoh ki wow psiah kulmar.

U SP da ong u wa kiwa chong chnong wa marjan toh u ya krehlang ki wa ki VDP kamjooh ki pulit khnang wow yoh kem ya ki damok. Neiliang ka seiñ da pynsñiaw leh wa ka sorkar toh u e yarap ko cha kitu kiwa chah ktah wei da ban joor biang ha u SP wow wanrah ya ka chongsuk chong saiñ ha ka thaaiñ War Jaiñtia waroh kawi.

Ka kyrwoh wa phah da u General Secretary u Lurman B. Talang.

Previous
Next

0 Comments

Leave a Reply