Yachem ka KSU ya ki soo ngut ki khynroo ki wow lai yakhun cha Russia wa kynthup ya u Hameshaniah Suiam

Shillong: Ka Khasi Students’ Union (KSU) Central Executive Council ha ka 24 uni u bnai da yachem ko ya ki soo ngut ki khynroo wow lai chimbynta ha ka IX WORLD CUP KICKBOXING – WAKO 2018 ka wow pynman nadooh ka 30-05-2018 hadooh ka 04-06-2018 ha ka chnong Anapa wa em ha ka ri Russia.

Ha kani ka yachemlang wa pynman ha yungkrehkaam ka seiñ ha Jaiaw hei emlang ki dkhot ka Meghalaya State Kickboxing Association, ka seiñ KSU da pyn-eh bok eh nasib ko ya kini ki soo ngut yow yoh ki u maad yei jop yow wanrah burom kawa khroo ya ka ri wa ka jaitbru waroh kawi.

Ka seiñ ha kani ka sngi leh da e yarap ko khajiak ya kini ki soo ngut wei da pynsñiaw leh yei kmen hajrong i thrang yong ki wow hadooh wa da poi ki cha kani ka kyrdan.

Ka seiñ lyngba i yachem yong ka wa kini ki soo ngut da chem ko wa man i iwa sñiawsih neibhah wa duna poisa ware hadooh heithaw wow pynkhreh ki ya ka yalehke da haap pynlut por ki wow lai paan yarap poisa na ki bru.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kini ki soo ngut ki wow lai cha Russia toh u Hameshaniah Suiam uwa daw yakhun ha ka Senior Men – Below 57 kg, Point Fighting wa Kick Light. U Hameshaniah toh uwa naka chnong Shangpung, West Jaiñtia Hills wei dang puræ u ya ka B.Sc (Electronics) 3rd Year ha St. Edmund’s College wei da mihkhmat u hadooh le sien neibynta ka ri India itæ ha u 2014 ha Rimini, Italy, ha Dublin, Ireland ha u snem 2015 wa ha Budapest, Hungary ha u snem 2017.  Da yoh u hadooh 4 tylli ki takma ksiar ha ki yalehke ha ri India.

U Pynehborlang Mylliemngap uwa da yoh 4 tylli ki takma na ka ri India wa kawi ka takma ksiar ha ka Asian Confederation Kickboxing Championship 2017 kawa man ha ri Turkmenistan. Uni toh uwa dang puræ Class XI wei wan u naka chnong Smit Mawmluh, East Khasi Hills.

U Babit Kharsohnoh uwa na Smit Mawmluh toh uwa puræ BA 2nd Semester ha Shillong College toh uwa da yoh ya kawi ka takma rupa na ka ri India wei da man u leh kam u North East India Gold Medalist.

U Elbring Elb Umbah toh uwa naka chnong Mawtari Raid Thaiang Mawhati, Ri Bhoi District, uwa man kam u warep wei da dep yoh u ar tylli ki takma ksiar na ka ri India.