15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yachem ka MSCW waki heh pulit yow yaklam hajrong ki kaam chah thombor ki kynthai

Ynne ka sngi da pynman yaka yalang heiyatoh wa ki kaam pyrchah ya ki kynthai ha Police Headquarter, Shillong heiwa da emlang leh ki dkhot ka Meghalaya State Commission for Women (MSCW) wa kynthup yaka Chairperson ka Theilin Phanbuh. Neiliang ki pulit da em u Dy. Inspector General of Police (WR) wa ki District Superintendent of Police kiwa da chimbynta lyngba ka Video Conferencing.  

Yaka yalang da chongknor da ka I. Nongrang, IPS Addl. Director General of Police (L&O/TAP) wei da yoh yei klam naka G.T.R. Marak (Vice-Chairperson) kawa da klam chaphang kiwa boon ki kaam wa da yachem ko heiyatoh wa ki pulit katwa ka N.G. Kynta da klam ko heiyatoh wa ki aiñ wow yada na ki kaam chah thombor ha yung ha sem wa yaka aiñ POCSO Act. 

U H. Nongpluh, IPS Addl. Director General of Police (CID/SB) da khana u cha ki dkhot ka Commission heiyatoh wa ki luti ka aiñ wa hap bood kamjooh ki kaam wa chemchitom ki pulit wa pynman yaki takit wa yatoh wa ki kynthai wa ki khynnah katwa u B.D. Marak, MPS Superintendent of Police, West Jaiñtia Hills wa u A.T. Sangma, MPS Superintendent of Police, North Garo Hills da klam ki chaphang ki kaam pyrchah aiñ wa jia ha ki District yong ki.

Advertisement ad1
Share this:
Previous

Pynkha chnat thymme ka East Jaiñtia National Council

Next

67th All India Cooperative Week concludes