Khliehriat : Ka seiñ Southern Border Youth Welfare Association (SBYWA), Elaka Rymbai & Lakadoong, East Jaiñtia Hills Dist hei yahkhmat u Skhembor Shadap kam u President wa u Namphrangmi L. Talang, General Secratary yong ka seiñ ryngkat wa ki Executive Members da lai yachem ki ya u Justine Dkhar, MLA 6 Khliehriat ynne ka sngi heiwa da e dorkhat ha oo hei yatoh wa da sih ware u sarok uwa tip kam Lad-Rymbai-Rymbai-Bataw-Borkhat Jhelapur (LRBBJ Road).
U Skhembor Shadap, President ka seiñ da ong u wa uni u sarok da sih u hadooh kattæ kattæ khamtam nadooh Ladrymbai-Rymbai da jæd ware u tæ emkam u pynbha pynmiat noh ya oo.
Ka seiñ da ong ko wa uni u sarok da booh u hei eh i khoo ya ki paidbah hei lai i wan wa da chimpor dei yong kynta wow poi ki cha Ladrymbai.
Kamtaæ ka seiñ hei yachem ko wa u MLA ynne da kyrpaad ko wow leh u yeiwa emkaam deiwa repair noh bran bran ya uni u sarok neibhah la dang pynslem daw sih chooh chooh u sam chaphrang.
Neitæ ka seiñ da ong ko hadien wa da yaklam bha wa u Justine Dkhar dei ya sñiawthooh lang chirup da rai ko wow yachem ya u MM Dango Montri ka PWD (Road) neibynta utai u sarok LRBBJ.
Kani toh katkam ka khubor wa pyllait da u Namphrangmi L Talang, General Secretary SBYWA, East Jaiñtia Hills District.
Discussion about this post