Ka Synjuk Waheh Chnong Iooksi wa Saphi deilang waka KSU Kupli Area Circle da yachem ki wa u Montri ka chnat i chait i khiah, u James Sangma yow pyntip cha oo yei tkoh ka Iooksi PHC waka Sub-Centre wa em ha Saphai-Nongryngkoh.
Da pyntip cha u Montri wa ka PHC toh ka wym biang um iwa da ktah yei krehkaam kani ka PHC, ka Mobile Network kamjooh ka Internet leh toh ki wym biang.
Ym em leh ka Nurse Supervisor (PHN), ki Doctor leh kiwa duna iwa da pynkhia yei kreh wei da emkaam jhan sa uwi u Doctor.
Kamjooh ka Sub-Centre toh ka wym biang um, wym biang bordiñ, ka wym biang kamra leh ya ki wakreh iwa da pyntkhok yei krehkaam kani ka Sub-Centre.
Kamtæ da kyntu ya u Montri wow chimkhia u ya ini waroh neibhah i chait i khiah toh iwa emkaam bha.
