theme-sticky-logo-alt
theme-logo-alt
Advertisement ad1
Advertisement ad1

Da boon ki takit wa da thung tangwa ym chem ya uwon uwon wa emkti yow pynchitom: Dr. Lapang

Advertisement ad1

U Montri Rangbah warim ka jylla u Dr. DD Lapang, uwa man leh u Chief Adviser yong ka sorkar Meghalaya Democratic Alliance (MDA) da ong u wa ki bru lane kiwon kiwon leh em ki ka hok wow pynbaad pyrchah ya ka sorkar hajrong kiwon kiwon ki kaam lane ki pynbaad baam-tooh.

“Hajrong ki pynbaad wa boon wa pynmih ha ki khubor, neiliang yong ka sorkar leh ym em suki hi-eh ko tangwa da booh ya ki takit, tangwa lada ki takit ym chem ki iyi iyi leh pyrchah yei pynbaad, ym ye wow pynchitom hi-eh ya kiwon kiwon,” da ong u Dr. Lapang hawa klam wa uwa thoh khubor.

Advertisement ad1
Advertisement ad1
Advertisement ad1

U Dr. Lapang da ong u wa ki pynbaad pyrchah ya ka sorkar ym toh iwa dang thymme tangwa da em bait neipor chei por, kamtæ hawa em kam kini ki pynbaad pyrchah kiwa ktah sakhiat, da jooh thung ya ka kynhun takit yow thooh bniah lada man kiwa sakhiat namo ym toh wei kamwa man katni da chem wa ha kiwa boon ki khep ym man kiwa sakhiat wei ym chem iyi iyi, wei ym ye u pynchitom ya kiwon kiwon leh.

Da ong u wa da mih boon ki pynbaad leh hawa yatoh wa i tih wa i chalan tooh ya u mooyong tangwa ym chem iyi iyi, kamtæ hawa pynbaad hap wow wanrah ryngkat ki sakhi, neibhah neiliang ka sorkar leh katwa kdaw da pyrchang ko wow booh ki bru wow takit tangwa hawa ym chem ya kiwa emkti da kiwon kiwon yow pynchitom.

Hawa kylli won hajrong ki kaam yong kani ka sorkar kawa katni, u Dr. Lapang da ong u wa ka sorkar MDA ye kow kreh chiboon ki kaam neibynta i bha i miat yong kiwa chong chnong wa ka jylla hi waroh kawi.

Da ong u i ye wow krehkaam wei wow pynkrehkaam bha ya ki Scheme waphær waphær leh da sakhi lyngba i wan chi wan ki Montri ka sorkar India.

Share this:
Previous

Yachem ka Synjuk Waheh Chnong Iooksi wa Saphai wa u James wa tkoh i krehkaam ka PHC wa Sub-Centre

Next

Yoh uwi u koidi wa tynyap khynnah wa da phah kset chirta wow yut na Jowai District Jail