Jowai : Ynne ka sngi kiwa yahkhmat ya ki 6 tylli ki kyntoit kiwa hap hapoh ka Ladthadlaboh pyllun kiwa kynthup ya ka Dongmihsngi, Carolyne, Mookyrdup, Tyndowapung, Loompariat wa ka Mooralong da lai yachem ki ya u CEM ka JHADC ma Thombor Shiwat wow ujor wa ki waheh chnong ym em u yoh sanat ki na ka JHADC kam ki waheh chnong wa pura.
Yeini da leh hadien wa ka JHADC da pynbna ko wow e sanat cha ki waheh chnong mynstep ka 24 tarik katwa ki Waheh Chnong kini ki 6 kyntoit ym em yoh ki.
Da pyntip kini ki waheh na ki 6 kyntoit wa ym em pyrchah ki yei yoh sanat u ma L. Lakiang tangwa ka Ladthalaboh da heh da yaar bha ko wei ymtip de kawon ka bynta u pait u wei da ki phaw snem ki da em ki wei man ki leh kiwa yoh myntoi na ki scheme sorkar wphær waphær.
Kini ki waheh ka 6 kyntoit da ong ki wa da jooh yachem ki wa u Dolloi warim ka Jowai tangwa hadien wa khlad u da lai yachem wa u acting dolloi heiwa da kular u wow khut yaklam tangwa khyrngiat ki waroh hadien wa mih ka khubor wow e sanat ya u ma L. Lakiang kam u waheh chnong ka Ladthadlaboh.
U CEM ka JHADC hadien i yaklam da rai u wow pynsangeh chwa yei e sanat cha u ma L.Lakiang ha kani ka sngi 24 tarik.
Discussion about this post