15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Yachem ki ar Dorbar Chnong wa u Montri ka PHE wa duna poi umkor

Advertisement ad1
Advertisement ad1
Advertisement ad1

Ka Dorbar Chnong Nongrim Hills waka Nongshiliang kiwa em ha Shillong ynne ka sngi da ychem ki ya u Montri ka PHE u Renikton L. Tongkhar yow yaklam yei duna yoh umkor ki kamjooh hajrong ka thaw taan um na Umkhen.

Neiliang ki ar Dorbar Chnong da ong ki wa da maad ki yei eh la kamwa 6 bnai heiyatoh waka um kawa naka Umkhen Water Supply Scheme deiwa ong wa da ki phaw snem nachwa da yoh um ki lyngba ki NNP Scheme iwa da pteiñ hadooh katni wei kajiak da yoh um ki leh naka GSWSS. Tangwa i poi um ha kini ki 6 bnai da duna ko wei ha kini ki 2 bnai da duna hi wot ko heiwa da em leh chi tayaw wa dooh um ki heipor wa joor u slap iwa da ktah joor ya kiwa chong chnong.

Ini da ong ki da wanrah ko ya kiwa chong chnong wow thied um ki man ka sngi pood hanla ki waroh toh kiwa su bai um thij thij. Da ong leh da ku i boon ki manyung tangwa hadien wa yoh um sa naka GSWSS ha u snem 2005-06 da man ko i kyrkhu ya kiwa chong chnong tangwa ka um naka GSWSS katni ym em de man ko kawa poi tikna yow pyndap yeiwa emkaam ki paidbah. Kamjooh i sih ki Pipe um dei langær kiwa wan na Umkhen man ko toh iwa hap wow pait smat.

Da pyntip wa nachwa jooh em ka Dam wa pynlang yaka um tangwa kani ka Dam katni ym em um de ko.

Hei lai pait ki Dorbar Chnong yaka thaw pynlang um ha Umkhen da chem wa em du ar tylli ki Pipe wa taan um, kitæ uwa 6 Inch neibynta ka NPP katwa uwa 4 Inch toh uwa neibynta ka thaaiñ Laitumkhrah. Tangwa u Pipe wa lai cha Laitumkhrah da ieh khlem em wa pait la 6 bnai wei ym em de pynchna ya oo wei ini da pynduna ko yaka um wa poi.

Chooh chooh da chem leh wa ki Pipe wa pai kiwa nadooh ki thaw taan um hanla da pynchna ya ki, ha kini ki 2 bnai ym em de leh ya ini wei lada leh, da leh deiwa pynemkaam da ki tiar wym biang.

Kamtæ da kyntu ya u Montri wow chimkhia ya ini i kaam neibynta i bha i miat kiwa chong chnong deiwa kyrpaad leh wow pynbna yaka Umkhen kam ka “Catchment area” yow yada nei tih mooh tih chyiap neidaw kani ka um man ko kawa emkaam.

Share this:
Previous

Palat 10 Lakh ki mukotduma wa chongdor kamwa T. 3228 klur da pynyasuk ha ka National Lok Adalat wa khaddooh yong u 2020

Next

Da pynlait ya kiwa yaleh Exam UPSC nei pynlai kari daka Odd/Even